Navidade non, NADAL.

Achéganse as vacacións e ultimamente nas redes é frecuente ver a palabra ‘navidade‘ procedente de moitos galegofalantes. Pero este vocablo non existe no galego, xa que se trata dun hipergaleguismo. A forma correcta é ‘nadal‘.

PD: Boas festas a tod@s!

O termo nadal na RAG:

  • Festa que se celebra o vinte e cinco de decembro, na que se conmemora o nacemento de Xesús.

As panxoliñas do Nadal.

  • Datas próximas a esta festa.

Polo Nadal ten vacacións.

  • Decembro

Espero verte en Nadal.

 

Advertisements

Calendario mensual en galego

Boas! Hoxe traemos ao blogue algo distinto. Dende fai un tempo estivemos pensando que, como comezaba a ‘volta ao cole’, era boa idea elaborar un calendario mensual en galego, para todas aquelas persoas que o necesitasen para organizarse e que non o encontrasen en galego gratuítamente na rede. Aquí deixamos os primeiros meses de curso (aínda que como chegamos tarde coa idea xa evitamos facer Setembro e Outubro). Axiña poñeremos os seguintes.

Un saúdo!

novembro-2016

decembro-2016

xaneiro-2017

febreiro-2017

Plaia non, PRAIA

Nestos días de calor é frecuente que escoitemos o termo plaia a cada segundo, pero non debemos esquecer que este é un castelanismo adaptado a nosa lingua. Polo tanto, a palabra correcta sería praia.

catedrales

O termo praia na RAG:

Extensión de area ou pedra miúda, polo xeral plana, á beira do mar ou dun río.

No verán pasa o día tombado na praia.

Potro non, POLDRO

Moit@s son @s que se refiren á cría do cabalo como potro/a, sendo este un castelanismo, pois a palabra correcta no galego é POLDRO/A. Tamén se emprega este termo para nomear a determinados aparellos de ximnasia.

A definición da Real Academia Galega:

(1) Cabalo ou egua desde que nace ata que muda os dentes, o que ocorre arredor dos catro anos.

Levou a vender os poldros á feira.

(2) Aparello de ximnasia constituído por un prisma rectangular apoiado en catro patas, e utilizado para dar saltos ou facer exercicios sobre el.

Saltar o poldro.

Plumero non, PLUMEIRO

Este utensilio que se emprega para limpar o po nos nosos fogares, recibe o nome de PLUMEIRO na nosa lingua, e non plumero, pois este termo é un castelanismo. Do mesmo xeito, tamén se emprega esta palabra para cualificar ós adornos dalgúns sombreiros, tamén coñecidos comos penachos; ou para referirnos ós estoxos onde se gardan as plumas estilográficas.

As definicións da Real Academia Galega:

(1) Feixe de plumas fixadas a un mango, ou utensilio similar, que se utiliza para limpar o po.

Pásalles o plumeiro aos mobles.

(2) Conxunto de plumas que se usa como adorno nos sombreiros, nos cascos antigos, nos toucados etc.

Para a ocasión elixiu unha palmeira adornada cun plumeiro.

(3) Vaso ou caixa onde se colocan as plumas de escribir.

Trouxéronlle un plumeiro feito dunha madeira exótica.